Whit's that? They've gien him the sack?
Nae afore time! Gie's mair o yer crack!
Nae man deserved better tae get the shuv, Gangin aboot sayin schweels are places for luv!
Whit next? Aa thae young ones need nowadays Is a gweed skelp - nane o yer sympathy and praise An sic like trash. Aabody kens whit schweels are for - Ye're there tae learn an dee whit ye're telt, Nane o this speakin back: that deserves the belt.
Teachers hae enough tae dae in the classroom Withoot fowk haverin oan aboot the impendin doom O Scottish Education, near deid frae a glut o exams.
But whaur wid oor lads o pairts, oor Jeanies and Tams Be withoot their O Grades, an their Highers as weel?
Na! Na! Oor kids dinna want a holiday camp, they want a schweel!
Ach weel, maybe things'll quiten doon noo on the Lang Stracht Noo that mannie wi the daft notions has been sacked!