Ffeithiau Treth Iau CThEF: 8 i 13 oed

Mae Ffeithiau Treth Iau yn wers ryngweithiol sydd wedi’i chynllunio er mwyn cyflwyno plant i’r pwnc o drethiant.

Bydd plant yn dysgu mai trethi yw’r arian y mae’n rhaid i bobl a busnesau ei dalu i’r llywodraeth er mwyn talu am y pethau sy’n bwysig i ni a’n teuluoedd, i’n cymunedau ac i’n gwlad.

Mae’r wers yn cyflwyno’r syniad bod pob un ohonon ni, fel dinasyddion cyfrifol, yn gwneud cyfraniad bach tuag at y pethau sydd o fudd i bawb.

Mae’r cynllun gwers Ffeithiau Treth Iau yn cynnwys arweiniad ar sut i ddefnyddio’r fideos ar y cyd â gweithgareddau ar gyfer dau grŵp oedran: 8 i 11 oed a 11 i 13 oed.

Mae nodau’r wers yn cefnogi elfennau’r cwricwlwm ar gyfer y ddau grŵp oedran.
Os ydych yn chwilio am adnoddau i fyfyrwyr rhwng 14 ac 17 oed, gweler ein pecyn gwersi Ffeithiau Treth sy’n rhoi rhagor o fanylion am drethiant.

Adnoddau sydd ar gael:
1 x Canllaw Cyflwyno (gan gynnwys cynllun gwers, amcanion dysgu, cysylltiadau â’r cwricwlwm,
a geirfa)
1 x Cyflwyniad PowerPoint ar gyfer y Wers
1 x Taflen Weithgaredd yn y Dosbarth
1 x Taflen Weithgaredd Ddilynol (mae modd ei defnyddio fel gwaith cartref)

Mae’r wers Ffeithiau Treth Iau yn cynnwys tri fideo byr sy’n delio â’r canlynol:

1. Pam mae gennym dreth?
2. Beth yw treth?
3. Treth a CThEF