Taith Morgan y Mirgath

Tasg Ymchwil y Byd

Dewch i helpu Morgan y Mirgath i ddysgu am wledydd ledled y byd.

Yn ystod y dasg hon, bydd y disgyblion yn ymchwilio i wahanol wledydd ledled y byd. Byddant yn casglu gwybodaeth am brifddinas y wlad, ei phoblogaeth, yr iaith a siaredir, bwydydd traddodiadol, ac un ffaith ddiddorol.

Pwrpas y dasg yw datblygu sgiliau ymchwil y disgyblion, eu gallu i ddethol a chyflwyno gwybodaeth, a chryfhau eu dealltwriaeth o wledydd, diwylliannau a chymunedau ledled y byd. Drwy’r gweithgaredd hwn, bydd y disgyblion yn cael cyfle i werthfawrogi’r amrywiaeth sydd yn bodoli ar draws y byd ac i gymharu gwahanol wledydd mewn ffordd ystyrlon.